خطوات اصطياد المراه المفتريه للراجل الغلبان

--------------------------------------------------------------------------------

مراحل صيد المراه للرجل
المرحله الاولى
الواد ده عجبنى


ودى
من الذ المراحل فى العلاقه بين الراجل والست , كل المكر والدهاء والذكاء
اللى خلقه ربنا فى حوا بيشتغل ازاى اخليه يدخل مجالى المغنطيسى وازاى اسيب
علامه مميزة تخليه يفكر فيا على طول وياترى ادخل عليه دخله صداقه ولا
اديها حب من اولها ................


وتبدأ
عمليه صنع قرار ودراسه جدوى على مستوى قاعده البيانات وتجميع معلومات
ودراسه لكل الامكانيات الانثويه المتوفرة من اجل الوصول للهدف ودراسه كل
الاحتمالات وتجهيز خطه وخطه بديله فى حاله فشل الخطه الاولى . ده غير
استخدام الاشخاص المشتركين فى المحيط الاجتماعى وتجنيد كل من يستطيع أن
يساعد فى سير الاحداث نحو تحقيق الهدف ....
وتبدا المراه فى التكنيك المتانى لجذب ولفت انظار الرجل :
لو
الراجل غاوى قرايه تعمل فيها مثقفه ولو غاوى ؤياضه تلبس ترينج وتروح
الاستاد ولو غاوى مزيكا يا سيدى ولو غاوى سينما يا مزاجه ولو غاوى شغل اوف
بقا تعمل فيها حائط المشكى والمبكى لكل مشاكل شغله وهوب اتظبت الاستاذ
وابتدى يتشد .


المرحله الثانيه
انت سيدى وتاج راسي




وتبدى
مرحله النفخ فى جنابه ودى معروفه فى علم النفس بالابتزاز العاطفى . بمعنى
ان الراجل يدخل تمام فى نطاق السيطرة المراه طالما جعلته يشعر بانه المتوج
وحامى الحمى الفارس المغوار اللى ما جابتوش ولاده ولا فى زيه اتنين فى
العالم , ويدخل مرحله الادمان العاطفى لهذة المراه الجميله التى تشعرة
بهذه المشاعر الايجابيه نحو نفسه ونحو الحياه وبالتالى نحوها هى كمان .




المرحله الثاثه
حواش شلنى يا حواش


فى المرحله دى تبدا المراه فى تحميل الرجل مسئوليتها واحده واحده ......
يوصلها الشغل ويوديها عند صحبتها ويرجع ياخدها ومامى تعبانه متعرفش دكتور كويس .
فيشوف دكتور ويودى مامى للدكتور ويجيب الدواء وسط الزحمه اهو اتعرف عليها بصنعه لطافه .
مقص
حراميه يعنى وبقى بيروح البيت عادى من غير خناقه ولا ضغط ولا مامى سمعتنى
بتكلم فى التليفون وعايزة تشوف باخرج مع مين ." والجو اياه اللى بيخوف
الرجاله ويخليهم يقفشوا "


المرحله الرابعه
صاحبك على ما تعوديه وتربيه



وهنا بقا الست الذكيه تبدا فى ارساء القواعد والقوانين الشرعيه وغير الشرعيه للعلاقه :
ه
تسمح بايه ؟ وه تسك على ايه ؟ ه تخرج امتى ؟ ه تسهر امتى ؟ ه تروح عند مين
من اصحابه ومين دمه تقيل على قلبها ..... نسيت اقول لكم ان فى المرحله دى
كمان بتحصل الدراسه الدقيقه و المتانيه لصحباته البنات مين خطر ومين امان
وغالبا هتطفش كل صحباته البنات ما هى الحكايه مش ناقصة بنت زيها ممكن تفهم
كل الخطط وتفهم الزبون .




المرحله الخامسه
انا هنا يا ابن الحلال لا عايزة جاه ولا كتر مال




هنا
تبدا تمارين الضغط على الاستاذ علشان الخطوه الرسميه اياها بتاعه الدبلتين
واللذى منه . وفى الواقع دى مرحله ب يتم فيها تقسيم البنات الى عده انواع
:-


الماديه البحته وده النوع المنتشر والماديه العاطفيه
والعاطفيه الماديه والعاطفيه الهبله ودى عاده بتاخد على قفاها بعدين .
المرحله دى من اكتر المراحل اللى علاقات كتير ب توقف عندها عن النمو و من
اكتر المراحل بها افتاءات وادعاءات وفشر واقنعه لكل القيم المبادئ الساميه
.......
المهم لو الزبون ادبس مظبوط ودفع دم قلبه وجاب عمو حسن الماذون والدنيا اتظبطت بقا فل الفل .
ماكنش يبقى نقف كلنا دقيقه حداد عاطفى وبعد كيدا توته توته فرغت الحدوته وخش على اللى بعده




المرحله السادسه
سقوط الاقنعه
تاتا تا تاااااا



المهم
خلاص بقى لافى الانتكه اياها ولا فى sweet heart baby بقى فيه فواتير
للسوبر ماركت وبتاع الفراخ و الجزار والميه يوم الجمعه والغذء عند ماما
وبنت خالتى اتجوزت وعايزة هديه .... الرقه روحت والاناقه نامت وشخرت
والحنيه الله يرحمها ويحسن اليها .


و الانصات لمشاكل شغله درب من دروب المحال " مش كفايه شغل البيت ومسئولياته الولاد هو هيقرفنى كمان بهموم شغله ! دى مبقيتش عيشه ! .



المرحله السابعه
الواطى بعد ما وقفت جنبه يخونى ! طلقنىىىىىىىىى



المرحله دى من وجهه نظر المجتمع العبقرى اللى بتوضح الفرق بين الست العاقله والست المتهورة المجنونه .
العاقله تعمل فيها عبدو العبيط

وانها
متعرفش اصلا انوا يعرف عليها واحده تانيه او تطلع بوزة وبوز اللى خلفوة
مصاريف وهدايا بالهبل عشان يكفر عن خيانته وجرحه لمشاعرها الرقيقه و
المجنونه تطلب الطلاق وتخرب البيت وتشرد العيال

وتبدا رحله mind game جديده فى ظل ظروف تانيه وتركيبه نفسيه مختلفه عما كانت عليه وهة بنوته بريئه عندها 20 سنه